Hurrengo maiatzaren 27an udal-hauteskundeak egingo dira. Hauteskundeak demokraziaren ikurra dira, bere unerik gorenena, bertan politika-ildo jakin baten barruan funtzio publikoa beteko duten gure ordezkariak modu askean aukeratzen ditugulako herritarrok.
Abadiñoko Independientearen bitartez, Abadiñoko Talde Independentearen bitartez, gure herriko joera politikoa aldatzeko aukera eskainiko dizute hauteskundeok hirugarrengoz. Denok batera elkarlanean jardun beharko dugu, hori lortzeko.
Taldea osatzen duten kideen lanerako gaitasunaren eta zintzotasunaren berri zuzena izan duzu azken bi legealdietan. Orain, zure esku dago zure botoa erabiltzea eta udal-gobernua beraien esku uztea. Zure laguntasuna edukiz gero, hurrengo lau urteetan Abadiñoko Independienteak taldeak gauzatu nahi dituen gobernu-jarduerak jasotzen dira dokumentu honetan.
Jarduera horien ardatz nagusiak zuretzako herri bat bilatzen du. Gutxi batzuen ongizatea gehiengoaren ongizatearen gainetik izango ez den herri bat bilatzen du. Etxebizitza eskuragarri bat lortzeko aukera izango duzun herri bat. Espazio publiko duinak dituena, kulturarako eta aisialdirako ondo kudeatuak. Udalak kalitateko zerbitzuak eskaintzen dituena, eta zure bizitza-proiektuaren garapenean laguntza eskainiko dizutenak. Gizonen eta emakumeen eskubideen artean bereizketarik egiten ez duen herri bat. Gure kultura ondarea den heinean, euskara maitatzen eta zaintzen jakingo duena. Gure udalerriko herri-gune nagusien hurbilketa bilatuko duena. Landa-eremuak beren burua ahaztutzat ikusiko ez dutenak. Bere ingurua eta espazio naturalak zainduko dituena, gure ondare naturalaren garapena eta zainketa era inteligentean uztartuko dituena. Bertakotzen diren pertsona guztiak ondo hartuko dituen herri bat. Eta, bere esku dagoen artean, biztanle guztiei enplegu duina eskainiko diena. Herri atsegina eta guztientzako herri bat. Zure herria.
Etxe bat. Horixe da pertsona batek estalita izan behar duen lehenengo premia, bere bizitza-proiektua abiatu gura duenean. Eta hori ez da erraza gure herrian. Etxebizitza duina izateko eskubide konstituzionala Konstituzioaren 47. artikuluan jasotzen da. Agindu horretan jasotzen denez, “espainiar guztiek dute etxebizitza duin eta egokia izateko eskubidea”. Baina ez hori bakarrik; eskubide hori gauzatu ahal izateko aginte publikoek beharrezkoak diren baldintzak eta arauak ezarri beharko dituztela ere esaten du.
Baina orain arte Abadiñon agintean izan direnek hartu dituzten neurriek lege hori betetzea baino gehiago etxe-sustatzaile batzuen etekin ekonomikoak bilatu dituzte. Joera hori goitik behera aldatzeko konpromisoa hartzen du Abadiñoko Independienteak taldeak, gure gazteriari behar duen etxebizitza herrian bertan eman ahal izateko, gure herritik joan gabe edo bizitza osorako hipoteka hartu barik. Era berean, herritar guztien bizitza-kalitatea hobetuko duten neurriak hartzeko konpromisoa hartzen du.
Etxebizitza Abadiñon. Etxebizitza sozialak
Lonjak etxebizitza sozialak bezala prestatzeko ordenantza.
Hiri-ekipamenduaren eta lorategien mantenua eta udalerriko errepideen garbiketa.
Udalerrira sartzeko oinezkoen bideen egoera hobetzea, batez ere Durangorekin eta Astolarekin lotzeko espaloiena (kirol-gunea). Hiru herri-gune nagusiak batzeko oinezkoentzako eta bizikletentzako bidegorria.
Ikastetxeetako instalazioen mantenuaren autogestiorako aurrekontua.
Obra txikien zerga ezabatu / itzuli, baina kontrolari eutsita.
Traba arkitektonikoak ezabatu / itsuentzako semaforoak.
Ibien ordenantza hobetu eta indarrean jarri, eta aparkaleku berriak.
Zelaietan argindar-kableak lurperatu.
Udalerriko zenbait kaletako trafikoa berrantolatu
Galizia Plazako (Verin taberna) ingurua eta beste kale peatonal batzuk (Solaguren, San Andrés, Juan Antonio Unzueta,...).
Astolako eta Muntsaratzeko autobus-geltokietako markesinak.
Durango-Beasain korridorea lehenbailehen egitea eskatu.
Diputazioari Durango-Matiena eta Matiena-Zelaieta errepideetako titulartasuna eskatu, Udalak kudeatu ditzan, trafiko astuna ezabatzeko plangintzaren barruan.
Bizilagun guztiei kulturarako sarbidea eta instalazio duinetan kirol- zein aisialdi-jarduerak egiteko aukera eskaini ahal izatea dira Abadiñoko Independienteak taldearen arduretako batzuk.
Kultura-balio demokratikoak zaintzeko eta sustatzeko, Udalari beharrezkoak diren egitura organikoak emateko edo egun daudenak egokitzeko konpromisoa hartzen dugu. Dauden instalazioak berritzeko eta beharrezkoak diren berriak sortzeko lan egingo dugu. Eta Udalak herriko kirol- eta kultura-taldeei ematen dizkien diru-laguntzen eta baliabideen kudeaketa gardena eta eraginkorra egiten ahaleginduko gara. Eta Abadiñon bizi diren edo gure herria bisitatzera etortzen diren pertsonek gure ondare naturalaz eta kulturaz gozatzeko, horiek behar den moduan zaintzeaz arduratuko gara.
Matienako arezko futbol-zelaia estalitako kirol-instalazioarekin ordezkatu.
Zelaietako ikastetxean kirol- eta jolas-gune estalia egin.
Diru-laguntzetan gardentasuna eta kultura- eta kirol-taldeek horien kudeaketan modu zuzenean parte-hartzea.
Atxarteko harrobiak eta bere ingurua berreskuratu eta egokitu, bertan kirol-kultura- eta turismo-jarduerak gauzatu ahal izateko.
Matienako eskola zaharra handitu, haurtzaindegi bezala erabili ahal izateko.
Astolako baserria berritu eta egokitu, herriko kirol-taldeek erabili ahal izateko.
Gure kultur-etxeetako egitaraua Durangon, Elorrion eta Zornotzan antolatzen dituzten kultura-jardueren zirkuituan txertatu.
Udalerriko ikastetxeetan eskola-liburuak doan izatea.
Udalak Teknologia Berrietarako sarbidea erraztu eta horien erabilera sustatu.
Abadiñon euskararen erabilera sustatzeko eta dinamizatzeko, Udaleko Euskara Saila sortu.
Muntsaratzeko lokala hobeto erabili, auzotarrek azaltzen dituzten premien arabera.
Gutxien duten gizarte-kolektiboek jarduerak eta baliabideak behar dituzte, beren bizi-baldintzak hobetzeko, beren oinarrizko beharrak asetzeko eta gizartean txertatzea laguntzeko.
Behar horiek betetzen laguntzen duten udal-zerbitzuak behar bezala mantentzeko jarduerak sustatu behar ditu Udalak. Abadiñoko Independienteak taldeak premia horiek gogoan izango ditu bere gobernu jardueran.
Hirugarren adinekoentzako egoitza.
Presazko beharrak sortzen direnerako, udalerriko bizilagunek erabili ahal izango duten udal-etxebizitzak edukitzea.
Langabezian dauden edo behar bereziak dituzten pertsonek osatutako lan-poltsak sortu.
Etorkinei informazio zuzena emateko lerroa sortu.
Genero berdintasun legea sustau.
1992. urtean, ia 200 herrik Agenda 21 hitzarmen historikoa sinatu zuten Rio de Janeiroko Lurraren Gailurraren baitan. Ingurumenaren iraunkortasunerako jarduera-plana da Agenda 21. Hortik lasterrera, beren ingurura eramateko ardura hartu zuten hiriek, eta 1994. urtean, Hiri eta Herri Iraunkorren Europako Konferentzia egin zuten Danimarkako Aalborg hirian. Bertan onartu zuten Aalborgeko gutuna, Tokiko Agenda 21-aren sorrerako dokumentua.
Bada garaia gure Udala mugimendu horretan era serioan sartzeko; berez, bere mailan parte-hartzen du herriko ikastetxeren batek. Abadiñoko Independienteak taldeak hori horrela izateko egin beharreko pausoak emango ditu.
Bien bitartean, hurrengo legealdian Udalak hartu beharreko lehenengo neurriak hauek izango dira:
Lurperatutako zabor-ontziak.
Udalerrian dagoen zarataren eta kutsaduraren kontrola.
Legez kanpoko zabortegien, industria-hondakinak erretzearen eta gure ibaietara egindako isurketen kontrola. Ordenantza hori zorrotz betearazi.
Abadiñoko ibaien bazterrak garbi edukitzeko neurriak hartu. Gure inguru naturaletan ezartzen den fauna gordetzeko babeslekuak sortu.
Alkatetzari ematen zaion diru-kopurua murriztu.
Matienan Correosek posta-bulegoa jartzea eskatu.
Udalerrian merkataritza txikia sustatzeko, laguntza, aholkularitza eta diru-laguntzak eman.
Udaletxeko funtzioak eta lanpostuak berrantolatu.
Udalerriko plazetan komun publikoak jarri.
Osakidetzak udalerrian dituen osasun-zerbitzu guztiak mantentzea exijitu, eta biztanleria hazkundea egongo denez, zerbitzuok zabaltzea aztertu.
Gure udalerria turismo-interesezko helburu bezala sustatu.
Herritarrek udalaren kudeaketan gehiago parte-hartzea sustatzeko, batzorde berezi bat sortu, era horretara elkarte-mugimendua indartzeko eta bultzatzeko.
Udalerriko elkarteek dituzten burokrazioa beharretan laguntza eskaini.
Udalerriko auzoen artean garraio publikoa erabiltzeko diru-laguntza.